【盛女大追捕之揭開面具】無綫《盛女愛作戰》上周開播以來備受爭議，除了人生教練被質疑外，節目是否真實紀錄還是植入式廣告雜誌，都是議論之處，昨日凌晨網上電台節目就有主持爆《盛女》大鑊，踢爆Santino是「媒」，Santino更被指曾做過男公關搵女人錢。
教人女的PUAHK（PickUpArtist）創辦人Norris，昨日凌晨在網上電台主持節目《香港把妹達人》時自稱是Santino前朋友及前拍檔，齊齊研究和開班講兩性關係，直至後期因概念分歧而分道揚鑣。
Norris在節目踢爆外國同類型節目如《一夜成名》（AmericanIdol）、《天橋驕子》（ProjectRunway）等都是做媒，要搵半專業又不出名的演員簽約演出，而《盛女愛作戰》成本不高，故有植入式廣告。
收Gobby前夫電話
Norris昨在電話補充，編導岑應曾找他合作，但因他做的是男生一套，覺得硬套在女生身上，會令女生變成吊高來賣又不夠料，他認為不合適而推辭，最後由Santino接下工作，故他肯定這部份必定是做媒。
至於與Santino的分歧，Norris在節目說：「佢睇完漫畫《夜王》，同我講話要轉做男公關，我話佢黐線，但佢之後喺speeddating自己兜客。」他又爆Santino跟一女文員去了澳門，還收了12,000元報酬。Norris又爆Santino為拍《盛女》，找了兩名朋友協助，這兩位被Norris稱為苦主的朋友在節目爆被Santino出賣，其中一個說：「幫佢拍咗一日，同Gobby傾過偈，收過Gobby短訊話好高興認識你，點知第二日收到佢已分手嘅老公電話，好鬼惡咁問我係咪想搞佢老婆，幫朋友做嘢，冇諗過有手尾跟。」Santino自稱有一拍拖9年的女友Caroline，但又被爆已被女友飛甩。
G.E.M.鬧爆黐線
無綫外事部副總監曾醒明透露一連兩個周日會播一小時《盛女》特輯，將播出未刪剪的盛女約會實況。前晚Santino到商台做《光明頂》節目嘉賓，欲發表理論時卻被女聽眾喝停：「你冇資格同我講呢啲！我A-level已經讀psychology（心理學）啦。」鄧紫棋（G.E.M.）昨到鳳凰衞視做節目，對Santino的45度溝通方法不認同：「黐線㗎！咁就違反我第一法則，就係唔自然喇。」
採訪、攝影：楊潔雯
若讀者知道五位盛女的底細，歡迎電郵至mailto:[email protected]報料。
人物誌：讀書怪論滔滔
憑45度角行走江湖的Santino，繼續被全城圍插及起底。有讀者指他的真名為郭偉燊（EgmontKwok），01年畢業於東華三院李潤田紀念中學，讀書時已出名行為怪異，以研究女性為樂，不時與同學高談闊論他對女性的奇怪想法。聲稱習武的他，又不時找同學當人肉沙包給他試招。據悉Santino中學時沒拍拖，試過追求一外表洋化的女子，但慘食檸檬。
又有讀者報料指Santino曾在武術論壇以網名「東放不敗」打滾，硬銷PUA及大談落蘭桂坊媾女的事迹，被其他網民圍寸，後來靜悄悄消失於論壇中。
