莫文蔚（Karen）噚日現身中環為《回蔚莫文蔚巡迴演唱會台北小巨蛋》DVD專輯搞發佈會，佢親自操刀剪輯DVD，咁啱老公喺香港可以先睹為快。咁老公有冇讚佢厲害呢？佢話：「我喺佢眼中永遠都係17歲初戀女友，佢唔會覺得我係明星，不過佢會哼我啲歌。」講起舊愛馮德倫同舒淇翻撻，佢就話：「有撻過咩？我唔知，啱啱返香港。」佢話向來唔會八卦馮德倫私事，亦唔會鼓勵佢出擊咁話。