台灣型男趙又廷同內地女星高圓圓因合作擦出愛火，佢哋仲被拍到甜蜜散步。噚日趙又廷主演嘅新戲《痞子英雄》喺北京搞記招，講到緋聞，趙又廷話：「圓圓是非常非常好的女人，我很珍惜她，想保護她，不想傷害她。」擺明默認圓圓係女友。問趙又廷拍《痞》片克服畏高，係咪因為同「高」圓圓一齊？佢話：「喜歡你這問題，但我不會說甚麼。」