無綫真人騷節目《盛女愛作戰》引起全城熱話，其實娛樂圈也有不少黃金盛女，薛凱琪（Fiona）可算是其中之一。前晚Fiona參加《饑饉三十》，她稱從不擔心做老姑婆，望天打卦相信神有安排讓她遇上生命中的Mr.Right。
薛凱琪（Fiona）、周柏豪、周國賢、張敬軒和王菀之等，前晚一同到香港仔運動場參加《饑饉三十》，跟現場營友一同捱餓，為第三世界的人籌款。臨完結前眾人先後表演為營友作最後打氣，歌星和DJ在台上拉龍跳舞，營友則玩人浪，氣氛高漲。
媽咪曾催婚
近日無綫真人騷節目《盛女愛作戰》熱播引起全城熱話，現年30歲的娛圈盛女之一Fiona雖然未有收看，但也略有所聞，記者問無綫搞藝人版《盛女》，她會否參加？Fiona即說：「唔會，我家都等緊我嘅Mr.Right，唔會急住嫁，神一定會安排最好嘅畀我。」若神太忙未有安排？Fiona依然信心十足：「都唔驚，相信會畀surprise我，好嘢係要等，好似老火湯咁，我唔擔心會等唔到。」但媽咪會否戥她心急？Fiona坦言媽咪以前也會，不過近年已沒有，而媽咪也不懂安排她去相睇。
近日柏豪在facebook留言暗指有人拍戲時只顧照鏡扮靚，矛頭直指近日合作的模特兒倪晨曦（Elva），柏豪說：「我唔係指任何人，只係聽到啲劇組前輩咁講先寫出嚟，對方都知呢個傳聞，但冇影響大家關係。」
軒仔預蝕本
此外，軒仔在廣州開的錄音室，有傳因蝕錢要契爺牆紙大王陳鼎禮加碼注資，結果令兩人反面，軒仔否認：「唔係事實唔回應。其實間錄音室都未開，家係試用中，咁大投資冇可能幾個月就回本，起碼要再測試三至四個月後先可以正式用。」軒仔坦言希望用這間錄音室當為民營教育機構，教有興趣人士有關音樂製作的知識，並非單純的賺錢機構。
採訪：馬建華 攝影：陳慧安
