啱啱喺前晚香港金像獎中得到終身成就獎嘅倪匡，當晚上台時表現佢風趣幽默嘅一面，而佢嘅老友蔡瀾噚日凌晨貼咗張倪匡同另一位老友金庸食飯嘅相，唔知係咪蔡瀾同金庸約埋一齊為倪匡慶祝呢？相中見倪匡着住灰色衫，精神飽滿，佢係咁望住隔籬位嘅金庸，而金庸就低頭係咁喺度食，完全冇理老友，睇嚟嗰款食物一定係好好味先吸引到金庸咁聚精匯神不停食。