現年70歲的盧海鵬憑電影《奪命金》摘下金像獎最佳男配角，他前晚在圓方出席寰亞慶功，問到他得獎心情是否平伏？他幽默地說：「心情未起伏過。」
鵬哥表示賽前看好勁敵王羽獲獎：「我以前偷渡嚟香港，睇過佢部《獨臂刀》。」獲獎後的鵬哥將繼續為影壇貢獻：「拍得幾多得幾多，我出席頒獎禮，個個叫我咪空手而回。」鵬哥果然不負眾望。
圈中流傳鵬哥早年在節目試咪有一句爆粗金句「盧海鵬試咪，X你老母X」，故他前晚一講「盧海鵬試咪」，台下即驚恐，但他只說：「正所謂盧海鵬試咪，能夠攞到個獎咁威。」他理智不爆粗，昨日在電話中說：「呢句嘢傳得開，粗口嚟嘛，噚晚點講得。」有指鵬哥拍《奪》片時是低片酬，他直認：「唔多囉，做一日計一日。」
採訪：文國駿 攝影：陳志嵐