「當時大堂好大煙、好臭！」深圳聯檢大樓昨晚發生火警，在港、深兩地關口落閘之前，趕及最後一批過關的余先生形容，火警時大堂視野模糊，情況混亂。
在本港出境後被困羅湖橋的盧先生亦謂：「成條橋都企滿晒人，周圍問人都唔知發生乜事，又心急又亂，等咗個幾鐘先分批放人過去！」
盧先生批評，由本港經羅湖過關往深圳多年從未試過如此封關，「早啲通知人就唔使逼喺度，一早改去第二度過關嘛！」
返回上水轉車過關
經羅湖過關前往深圳的港人李先生，昨晚7時許抵達羅湖發現關口突然落閘關閉，「等咗個半鐘先分流式俾人過關，係人都鼓譟啦！」李直斥過關安排非常失敗，「廣播又聽唔到佢講乜！」他指不少等得不耐煩索性折返上水，前往落馬洲過境。港鐵羅湖站一度有數百名乘客趕車，眾人急步跑進車廂，搭車返回上水轉車過關。
住在深圳的港人鄧先生亦不滿稱，原本經羅湖過關「一出關就到屋企」，因封關害他要「兜路」回家，浪費時間及金錢，「小小火警搞到要封關咁嚴重！」
《蘋果》記者