鄧穎芝噚日去新城接受訪問，為新歌《超級想你》落力宣傳，呢首歌係由老友張震嶽包辦晒曲、詞、編、監。家冇簽唱片公司嘅鄧穎芝話今次花咗60萬元做新碟，家大約賣咗2,000隻，佢狂呻非法下載真係累死唔少人：「之前有網友喺facebook同我講，好鍾意我首舊歌，但竟然叫我下載傳畀佢，好過份！」鄧穎芝又話自己咁粗魯，冇乜機會嫁有錢人，暫時惟有靠屋企。