話咁快各大聯賽球季即將結束，之後就係歐國盃決賽周。不過英意球迷齊齊收到壞消息，一路等緊嘅韋舒亞（圖）同埋基奧斯比羅斯，睇怕都無緣喺決賽周亮相。阿仙奴領隊雲格話，唔會冒險提早畀韋舒亞復出，換言之後者根本冇機會落場操起狀態。維拉利爾嘅羅斯仔仲慘，膝傷唞咗近半年，點知一復操再傷，要再唞多半年。