【本報訊】遺失身份證可大可小！有女子遺失身份證後竟遭人盜用，在五間電訊公司開啟39個手機號碼，被追電話費7萬多元，多間電訊商都拒承諾停止追收「欠款」，令她身心飽受折磨。《蘋果》記者到各電訊商門市直擊，發現多間電訊公司容許客人在無地址證明下可即時開台，令不法之徒有機會乘機狂開電話，事後再補回假地址。
記者：盧勁業
葉小姐上月收到神秘追數電話催促還錢，「一個男人打嚟問我幾時還錢，我話還乜錢？佢話你自己事自己知，我問佢係邊位，佢話係3同One2Free嗰啲囉」。她本以為惡作劇，及後想起去年曾遺失身份證，心感不妥，即往電訊公司查詢，結果大吃一驚。
查詢賬戶資料被拒
「我去One2Free問有冇欠佢哋錢，一查就話我開咗9個號碼，欠成4萬幾蚊」，到其他電訊商了解更驚嚇，「除咗我真係有用嘅PCCW（電盈）外，間間電訊商都話有人用我張身份證開台，總共開咗39個號碼，欠成7萬幾蚊。職員問我係唔係唔見咗身份證，仲拎咗張調查『非法開台』聲明書畀我填，好明顯成日都有人中招」。
葉小姐又驚又怒，隨即質疑，何以毋須核對身份證相片及地址證明都可開台，職員卻回覆：「我哋唔可以質疑個客個樣唔同咗，地址證明我哋一定會收。」惟她發現，不少電訊商門市職員容許開台客戶後補地址證明。她曾要求各電訊商提供冒充者所提交資料、使用服務及通話詳情，大部份都拒絕，「佢哋竟然話係私隱唔可以提供，荒謬嘅係我係受害人，佢哋追緊我數，點解唔畀我睇番個賬戶資料？」她氣着說。
惟獨數碼通可提供賬單資料給她，得知歹徒以虛假地址開台使用月費計劃，共三個號碼通話費6,000多元：「我住黃大仙，個地址報稱喺西貢，我查過係地圖上唔存在呢個地方，但都照開到台。」
收到追數信無下款
葉小姐家中近日開始收到追數信，「上面寫咗我個名同埋欠幾多錢，但冇下款唔知邊個寄嚟，我唔知點解電訊商憑假地址都搵到我追數」。葉小姐已經報警，惟各電訊商不接受她的解釋，仍要她盡快繳交費用。而涉及的3香港、CSL、中國移動及數碼通回覆本報稱，因警方正調查，將暫延追款。
遺失身份證慘況示意圖
