【本報訊】為真人騷《盛女愛作戰》擔任人生教練的Winnie分析Mike的個案後，指出Mike開出來的擇偶條件，「幾乎全世界都有呢啲女仔」，他至今仍未找到理想人選，相信他其實未清楚自己想要甚麼。
恐遭錯誤解讀成「想媾女」
Winnie提議Mike認真看待每次與對象相處的時間，而非不斷地用自我標準去審判別人：「你要花時間、心機同一個人相處，先知對方係乜人，係咪適合你；佢如果憑幾次見面就覺得對方唔啱，咁佢呢世都搵唔到。我相信佢對港女嘅想法都係自己想出來，未真係相處過。」
另外，Mike站在鏡頭前接受訪問，外表淡定，但他曾多次婉拒訪問，擔心身邊親友或不認識他的人將他希望建立家庭的願望，錯誤解讀成「想媾女」。他接受訪問時，其友人亦陪伴左右，擔心他內向的性格會說錯話，影響其他人的觀感，「佢真係一位好好先生，對員工好似兄弟咁，大家都好想佢得到幸福」！
訪問後Mike向記者透露，曾看過有關本報英國港人移民PeterLau找女友的報道，覺得內容太誇張，「點可以一個男仔對咁多個女仔（相睇）？好唔尊重女方，好怪！」