上周六有場英冠嘅護級大戰，包尾嘅唐卡士打（紅白衫）主場輸咗畀樸茨茅夫，宣佈護級失敗，下季英甲見，而樸茅就仲吊緊鹽水。講番場波先，樸茅今季都黑過墨斗，球會瀕臨破產，俾賽會扣咗10分，個勢咁弱，睇嚟都唔夠揪㗎嘞。上半場嘅故事就真係咁，唐卡士打領先2:0，贏波在望，但點知下半場變成樸茅嘅世界，最終唐卡士打反勝為敗，輸3:4，提早護級失敗，下季要降落英甲。