「魔童」王維基賣掉電訊業務，套現50億元，斥30億元發展電視，單挑TVB；「殺價超人」歐陽永權指「魔童」一向是巨人殺手，對他撼贏TVB有信心，「佢好有冒險精神，好叻把握機會，必定有一啲鮮為人知嘅撒手鐧」。
成功衝擊電訊市場
Andrew表示，當年香港電訊壟斷長途電話巿場，無人睇好的王維基劈價搶客，又與他合作炮製CTI殺價超人廣告「唱到」家傳戶曉，迫使百年老店減價，「佢有辦法突圍而出，之後做互聯網、光纖等，都被潑冷水，咪又係成功」。
Andrew認為王維基「賣仔」是「smartmove」，「佢咁做可以專心一致去經營電視業務，成功機會高好多」。他說王維基做事方式不會「十拿九穩」才做，有五成機會便去馬，「不按常理出牌，會為電視圈帶來新鮮感」。