城電主席王維基「賣仔」全城關注，當年替他創作膾炙人口「CTI殺價超人」廣告的60後歐陽永權，則秣馬厲兵進行一場本土文化保衞戰，推出本土特色創意產品，力抗大陸化。從加國回流返港的殺價超人說：「馬照跑、舞照跳？回歸後經歷咗兩代小圈子特首，梁振英又上場，唔做啲嘢，民主、自由、廉潔嘅香港核心價值好快冇晒」。 記者：蔡朗清
歐陽永權（Andrew）是典型香港仔，小時候每逢周末跟父親一起刨馬經，「贏咗馬，爸爸帶我出街食好嘢」，現年44歲的他最愛看漫畫書《龍虎門》，新藝城電影，偶像是譚詠麟，「70年代係香港本地文化火紅年代，影響埋東南亞」。
捍衞香港核心價值
80年代中英談判期間，港人對前途冇信心，只有13歲的他被送到加拿大讀書，18歲那年全家移民，「喺加拿大感覺格格不入，大學讀細胞生物學，好悶，畢業後做咗一年實驗室工作，頂唔住，離家出走，返嚟香港」。
Andrew回港後由零開始，跳入廣告行業，一次與王維基合作炮製CTI殺價超人廣告，燃起他將本土文化發揚光大的種子，「佢畀咗好大自由我，我將港人無人不識嘅幪面超人融入廣告，觀眾好受落，好like本土中外並蓄嘅獨特文化」。
97回歸後，Andrew認為本土文化逐漸消失，地產霸權隨時秒殺百年歷史建築物，內地文化入侵，繁體變簡體，自由、廉潔等核心價值遭侵蝕，「80後嘅反應最激」。60後的Andrew展開另類保衞戰，兩年前自創品牌mall852.com，設計售賣富本地特色的日常用品，引發港人集體回憶。
推政治產品諷港府
尖沙嘴專門店有中式花牌相架，部份放入唐英年照片，冷嘲他官運亨通；牆上貼有疑似李嘉誠海報，寫上「睇吓荔園有冇平台層」宣傳立體荔園模型，諷刺地產覇權，「啲舊建築拆晒，花牌買少見少，設計花牌相架畀港人一個回憶」。他最近推出一些政治玩味較重的產品如鬥獸棋，棋子改為狗官，不滿以曾蔭權為首的腐敗政府，「梁英振上場，唔好收窄港人嘅自由，畀多啲空間我哋安居樂業」。