【人物專訪】一套《3D肉蒲團》令中國3D數碼（8078）主席蕭定一「吹足」一年，踏入12年，中國3D又搞影院又做放債，快為人父的蕭定一下定決心：未來10至15年要專心做好電影，因為要專注，他放了王維基飛機，最後關頭拒絕替他搞電影台。
記者：石永樂
城電（1137）50億元賣電訊業務成為城中熱話，估不到蕭定一也來「抽水」，「王維基50億賣電訊業對我人生最大啟示就係專心，想做好一件事，就係專心。」
「佢咁叻 會搵到條路」
「要做電影呢個行業，係我未來10至15年嘅決心，希望成為區內主要嘅電影公司之一。」要達成這個中期目標，蕭定一近年不斷縮減戰線，包括退出美容院生意、無開咪近兩年，為的是專心搏殺，「呢個（目標）一決定咗，就唔會返轉頭。」
除了縮短戰線，蕭定一更加為專注而拒絕幫老友王維基開台。原來王維基早已全身投入媒體業務，一早與娛樂界全面接觸，包括電視界前輩蕭若元（蕭定一父親），但蕭才子近年更專注電台工作，王維基便找上搞開電影的蕭定一幫忙，替他的電視台籌辦電影頻道，「其實大家傾得好好，差唔多成事，但最後都係想專心點……專心做好電影業已經夠。」
或組父子兵 合作放債
對於放老友飛機，蕭定一回應，「唔使驚，佢咁叻，咁專心，慢慢會搵到條路出來，可能未必馬上，2、3年後可能就搵到。」
蕭定一希望中國3D成為中、港主要片廠，但早前宣佈大規模批股，自己持股有機會被攤薄至少於3%，「集資機會一瞬即逝…我有錢就會增持返。」蕭定一強調，認購的投資者都是看好中國3D的娛樂事業，所以即使日後自己非大股東，中國3D一定會以電影為主業。
問到公司早前宣佈發展放債業務，蕭定一解釋，就是因為早前配出第一批股份而籌得資金，眼見父親的無限創意（8079）放債生意理想，風險又低，所以決定做多瓣副業，他更指，不排除日後會與無限創意合作，來一個商場父子兵，齊齊搵錢。
問他有否興趣進軍電視，「應該唔會喇，要都係搞電影台，但唔係呢幾年嘅事。」除希望專心創一番事業，已屆中年的蕭定一希望留一點時間予家人，38歲的蕭定一前年告別單身，6月將榮升老竇，「九成時間搏殺，留番一成時間畀屋企人。」談到未出世的女兒，蕭定一已流晒口水，又指爺爺替孫女取名「熵芷（止）」，意指混亂的社會停止，與父親的「定一」有異曲同功。
蕭定一履歷
2001
與父親蕭若元成立一文元創作室，及後改名為一元製作室
2005
‧合資開娛樂公司，從事電視、音樂、唱片製作及藝人
‧管理等多元化業務
2006
與父親成立香港人網
2007
購入韓國10大賣座電影之一《醜女大翻身》之香港版權，並成為該年度香港最賣座之韓國電影
2010
監製《3D肉蒲團之極樂寶鑑》，為香港首部3D三級片，2011年上畫，累積票房超過2400萬元
