本港團購網站開始有萎縮迹象，一些大型團購網站，由高峯期每日推出20多個優惠，下降至現時每日2至3個甚至沒新優惠推出。作為監察團購網負責人的Kenneth直言：「商戶知道會拖數自然少參與，消費者俾佢哋呃得一次，就冇第二次」。
一開業已獲多間團購網接洽的果汁店負責人Eric，對Kenneth的交易平台十分支持，雖未知能否成功為店舖帶來商業效益，卻仍堅持將優惠放上WG。
對團購經營手法反感
他坦言，一開始已對團購經營手法反感，「sales一嚟到就問可以做幾平，唔理質素只想傾價錢」。雖然將店舖優惠放上WG後只賣出30幾張，仍沒後悔，「啲客反應好好，認為試到真嘅服務，好過一啲可以幫你賣得多，但要你降低產品質素，將貨就價嘅團購網」。
廿多歲的Ian及Joe首次創業便與多間團購網合作推出優惠，宣傳旗下乳酪店TripleYogurt，卻因網站拖數險倒閉，「團購網要抽佣同吸引多啲人買，要我哋壓低個價，變成賣一杯蝕一杯」。他們認為WG理念不俗，不收佣金，毋須降低產品質素以減成本，「顧客經平台買番嚟嘅嘢有保證，對顧客同商戶都好」。《蘋果》記者