黎耀祥噚日同老婆、囝囝，一家三口去到將軍澳現身親子活動。眼見現場好多家長帶埋小孩出席活動，原來黎耀祥一直都有意追多個女，佢仲話：「好想㗎，但無能為力，生仔好難，博咗好耐都博唔到，但冇打算刻意尋求良方，我哋相信緣份，會試多一、兩年。」黎耀祥工作咁忙，拍劇又拍廣告，即使有心有力，都難以百發百中啦。