邵氏年代嘅武打明星王羽以演《獨臂刀》成名,喺現實中都有位獨臂龍門,而且仲好擅長撲救12碼。38歲嘅韋金(TyroneWelcome)喺26年前一次觸電意外,失去右臂,不過冇影響佢對足球嘅熱愛。佢家效力英格蘭伯明翰南部聯賽一支業餘球會AstonStars,拍住健全隊友同對手踢波,韋金表現一啲都唔輸蝕,對上5次撲12碼,佢就救出3球,穩佔球隊正選門將席位,證明殘疾人士一樣有出頭天。