【本報訊】網上訂花訂果籃送禮很普遍，但有顧客發現一間花店公然「搵客笨」，2,180元的豪華果籃和花籃，卻變成數百元的平價貨，420元香檳變44元汽酒，名牌朱古力不翼而飛，花籃體積大縮水，嚴重貨不對辦！
香檳變汽酒 無朱古力
「如果老闆冇出席個客嘅開幕禮，都唔知間花店咁離譜！」劉小姐的老闆從事網絡生意，得悉歐洲大客在港開新店，便叫她上網訂購賀禮，並叮囑要做得夠體面。
「我見2000Flower花店網頁啲相好grand，而且做咗咁多年，應該信得過，所以同老闆一齊揀咗個1,280元嘅豪華果籃同一個900元花籃，加埋運費一共2,240元。」網頁更註明有一盒Godiva朱古力（九片裝）和一支法國DrappierCarted'OrBrut香檳。
而相片展示的時果為士多啤梨和蜜瓜等，原價1,700元，推廣價至1,280元。花籃則選了價值900元的Success花籃，貪其有貴價綠掌和紫蔥頭花，還有大蝴蝶結包裝，迎合歐洲人口味。
付款後，她一直收不到花店的實物相片，豈料4月3日客戶開張當日，老闆親自到賀，卻發現嚴重貨不對辦，狂罵：「好肉酸，好核突，拎走好過！」原來豪華果籃變成平價貨，「冇晒貴生果，得返個爛沙田柚、大陸富士蘋果、橙同香蕉，又冇Godiva朱古力。」
原本約售420元的香檳，更變成只售44元的AndreRoseCaliforniaSparklingWine。花籃的花亦不同了，體積縮小，大型蝴蝶結消失。
當日劉小姐即時要求網上花店2000Flower更換，但對方以時間不足為由，只肯將朱古力和蜜瓜等生果放回籃內，令劉小姐更氣憤：「你冇可能打開個籃擺啲嘢入去！」她認為開張典禮只得一天，當天不補救便等於「冇得救」，非常激氣。