《盛女愛作戰》在網上討論區引起廣泛討論，網民對多位參加者彈多過讚，高登仔就最冧因情傷暴瘦的盛女王Suki。
迷．女郎：我buyMandy多啲，爽快簡單直接，反而好怕Florence呢種，好固執同好煩。
遺言信箱：Florence嘅記憶同人生仲停咗喺19歲，而唔喺39歲度。
HiHi亞視泥既：Florence呢頭話如果人哋介意自己外表嘅就唔係真愛情，轉頭就嫌人哋個樣（講師CK），難怪成40歲都嫁唔出。
反派角色：我覺得Florence去外國或識老外會好啲，起碼多人會同佢講心，我真心覺得佢OK。
Mrsjoker：Bonnie性格好爽朗，其實唔差。
廋澄慶：Bonnie個樣唔係話好差，但睇佢夜場嗰part就真係知根本係佢自己勁有問題，心頭太高。
魏焌皓：Bonnie性格都有問題喎，落bar怨冇男人撩佢傾偈，根本佢唔識反省自己衰喺邊，一味喺度怨，學Suki咁social啲，nice啲咪幾好。
EAN-13：Suki正㖭啦，應該係打擊大瘦得太緊要先走咗少少樣。
認真就輸了：Florence同Mandy都係正宗港女，以為自己係世界中心，搵到男人係個男人執到，自己高高在上，睇嚟滿足到佢哋嘅男人，只有幾十億身家嘅哲學家，唔俗得嚟有內涵，有內涵得嚟有錢。
WTF：媽媽Gobby真係唔應該呢個時候參加，老老實實，個女都9歲，同學仔認到會笑，而且生過仔嘅女人，除非好靚，否則好難有人要。
資料來源：高登討論區