記者到2000Flower位於尖沙嘴漢口中心的工場了解，職員表示老闆不在，但承認投訴人訂購的花籃由她所包裝，她表示：「佢（老闆）叫我哋買生果，全部有限定80元或者100元。」記者直言花店收取客人1,280元，她顯得甚驚訝︰「冇理由，佢同我講係300幾元咋！」
擅自補送新果籃
記者致電店主Carol，她承認是員工的「小錯誤」，更聲稱已跟客人和解。事實上，她得知記者跟進才叫職員立即買水果，花兩小時便包好新果籃，更擅自補送到劉小姐的客人，但距開張日已相隔一星期，劉小姐更尷尬：「畫蛇添足！咁即係話因為之前送啲嘢太寒酸，所以補番，我寧願佢冇送過！」
記者拿着劉小姐提供的1280元果籃圖片，到花園街一間果籃店「照執」，老闆說200元有交易，「呢啲生果好cheap，大陸柚、大陸蘋果同橙，仲有香蕉，一擺香蕉就變得好cheap！」若花費千多元執一個果籃，會以日本蜜瓜、士多啤梨、日本富士蘋果和麒麟果等代替。
《蘋果》記者