【本報訊】停泊在觀塘茶果嶺道天后廟旁行人路的客貨車，昨凌晨疑被人淋天拿水縱火焚毀，消防員到場將火救熄。車主懷疑與他早前追討欠薪有關。
旁有天拿水罐
41歲姓劉車主居於茶果嶺村，平日將客貨車停在附近天后廟旁邊行人路。劉稱，他於去年8月任職地盤雜工時，被拖欠三個月合共約三萬元薪金。前日他就此事到勞資審裁處時，聲稱與對方碰頭，有人向他口出狂言：「你想收我錢呀？從來冇人收到我錢㗎！我知你住邊度㗎，遲啲有嘢睇！」
昨凌晨3時許，劉停泊在天后廟旁客貨車突然起火，駕駛者途經發現報警。當時劉正由住所步出準備取車開工，途中他已聽到消防車響號，當他抵埗時始知客貨車着火。車內有一個空油桶及雪糕筒等雜物，消防員到場迅速將火救熄，全車嚴重焚毀。客貨車左邊車窗被人扑爛，車旁有一個天拿水鐵罐有可疑，警方列縱火案調查。