愛華頓中場魯迪維爾（圖）潛質優厚，原本獲寄望成為今季上位新星，有望幫英國踢奧運之餘，又傳有機會代表英格蘭出戰歐國盃。不過佢長期受大腿肌肉傷影響紮住上陣，愛華頓決定將佢送去德國，睇吓拜仁慕尼黑神醫禾花夫幫唔幫到佢；領隊莫耶斯仲語重心長咁講，叫魯迪維爾好好休息養傷，21歲仔仲有大把世界，唔好諗奧運同歐國盃住。