寸嘴何佩瑜（Jeana）前晚穿透視露半球裝出席電影《起勢搖滾》首映，同場加映吳雨霏（Kary）到場撐緋聞男友林德信（Alex）。Jeana雖穿透視裝，但不肯除去外套，她坦言有勁敵才除衫迎戰，擺明輕視同場穿大露背裝的林欣彤（Mag）。
新片《起勢搖滾》前晚在圓方戲院舉行首映，有份演出的樂隊Mr.、林欣彤、林德信、何佩瑜及詩雅等一同出席。Alex的緋聞女友吳雨霏悉心打扮到場，她亦上台跟眾演員影大合照，不過Kary和Alex分開企，更全程零交流，反而無私顯見私。
Mag拒絕低胸
前晚以Jeana打扮最性感，穿上透視裝露半球，但卻始終不肯除去外套顯示實力。Jeana受訪時談到自己的性感打扮：「件外套係以防萬一，如果有勁敵先除。」Jeana最終未有除外套，問她是否現場沒有對手以免嘥料？她無厘頭說：「着呢件衫係諗住鬥靚，我仲專登買埋個bra襯埋，做足安全措施，唔會走光。」
同場的Mag其實亦大解放，以大露背裝上陣，她表示：「我今日去試衫先知個stylist安排咗呢件衫，見到都嚇一跳，不過都接受到。」但Mag直言不能接受露事業線。此外，Mag表示有請緋聞男友羅孝勇及巨聲幫來睇戲，但現場卻未見羅孝勇蹤影。
林子祥唔撐囝囝
至於Alex亦表示有叫父親林子祥來撐場，但當林子祥知道有記者便說要考慮一下，結果未有到場，不過Alex其他家人都有前來支持。
Mr.主音Alan被問到有否請富家女友來睇戲？他聞言說：「有，但唔知佢嚟唔嚟，其實我大部份嘅飛都畀晒屋企人。」Alan在戲中跟詩雅有親熱戲，但她坦言女友已知他在戲中有親熱戲。另外，Mr.鼓手Tom的老婆Leanne亦有到場，囝囝則交由外母照顧。採訪：魯萍
攝影：陳順禎