陳慧琳弟弟陳司翰形象花弗，日前又在台灣被影到約會混血嫩模貝兒，二人一起睇戲，還體貼幫女方拿雪糕，十分甜蜜，事件更惹來正印女友莊思明不滿，在facebook寫着「Ihateyou」。思明直言最近心情不快，揚言不會再被影到她與司翰一齊出街的照片，暗示關係決裂。
陳司翰和莊思明多次被人發現結伴夜蒲，情侶關係早已是圈中公開秘密。不過，日前陳司翰被人發現在台灣約會23歲、擁有32E美好身段的混血女模貝兒，二人被發現一齊睇電影，當場斷正。
本周一下午三時多，有人發現戴上淺色墨鏡的陳司翰對新歡貝兒非常體貼，同行還有一男一女友人，四人飯後便往戲院睇電影，其間貝兒去選購雪糕，司翰見她有點狼狽，即出手幫她拿雪糕，雖然多次觸碰到小手，但完全不覺尷尬。
「我憎你」
雖然當時報道仍未出街，但同日正印女友莊思明可能已收到風，她在facebook大罵負心漢說：「Ihateyou（我憎你）」，之後又自勉要不停「笑」和「哈」，心情似乎很低落。
本報記者昨日致電莊思明，她直言知道陳司翰在台灣被人影相，她說：「佢話同成班朋友一齊俾人影相，但唔關我事，我都冇認過拍拖。」但過去經常被人影相，她說：「唔會再有，應該唔會再影到。」似暗示二人已分手。
莊思明承認最近心情好差，問有沒有喊過？她說：「我話冇，你都唔信啦！Ihateyou嗰句包含好多嘢，工作同感情都唔係太順利。」她自言不認識貝兒這個女仔，問到可覺得司翰花心？她說：「唔知，問番佢啦！」撰文：丁寧
