電影《春嬌與志明》令鄭嘉穎與王馨平（Linda）當年的一段情被翻舊帳，對此嘉穎昨日宣傳無綫新劇時坦言絕不介意，並直認這段情為美好回憶。嘉穎亦笑說自己對《春嬌》亦有出一分力，而導演彭浩翔、女主角楊千嬅及客串的Linda都說會請他食飯。
鄭嘉穎、黃浩然、胡定欣及唐詩詠等，昨日於將軍澳為無綫劇集《拳王》宣傳，嘉穎表示是次特地度期由內地返港宣傳，稍後會馬上返內地拍劇。
唔認賺三千萬
嘉穎對於有指他半年內於內地拍三套劇已賺得三千萬酬勞，他說：「咁即係一套一千萬，邊有咁犀利呀？係事實我又唔介意呀！總之希望努力係有回報㗎啦。」
昨日大部份演員均以劇中造型出場，更即場示範拳擊動作。嘉穎表示近期忙於在內地拍劇，但亦會配合劇組宣傳。對於近日電影《春嬌與志明》令他與王馨平當年的一段情被重提，嘉穎說：「導演彭浩翔同楊千嬅話會請我食飯，Linda都話會請，套電影我冇份拍都有一分力。」嘉穎更表示不介意被翻舊帳，他說：「做得咁耐人都有過去，呢啲係我嘅回憶，死嗰日都會跟住我，我都好開心有呢段咁嘅回憶。」
對於有傳嘉穎與Linda分手是女方父親王羽認為嘉穎沒出色，嘉穎說：「每個父母都會好緊張兒女嘅幸福，或者第日我有女我都會好緊張，有冇出色呢樣大家標準唔一樣，我喺屋企人心目中係個有出色嘅仔就OK！」
獲黃浩然體諒
另外，黃浩然對於嘉穎要拍內地劇故有機會缺席宣傳活動，他直言絕不介意：「自己嘅劇邊個得閒邊個做囉，大家都會盡量配合。」
採訪：王崇穎
攝影：黃文偉