黃耀明噚日喺旺角出席陳淑莊慈善talkshow活動，佢話同陳淑莊識咗好耐所以嚟撐場，點知明哥遲到，仲要主角等番佢。講到自己嘅新歌MV同男仔好親熱，佢話：「唔係第一次同男仔錫，所以唔覺尷尬，MV出街會變咗兩個都係自己，所以冇問題。」陳淑莊自爆讀書時俾人話似已故歌手黃家駒，明哥就話：「唔覺喎！我覺得佢剪短頭髮後好靚呀。」