陳法拉同陳敏之噚日喺將軍澳電視城錄影無綫節目《智強積金王》，法拉話唔識投資，認為現金最實際：「有朋友提議買外幣，但我揸美國護照開唔到人民幣戶口。」問法拉點解唔搵男友薛世恆開戶口？佢話：「呢啲係我血汗錢，無理由存入人哋戶口。」敏之話保險同基金都由媽媽統籌，所以冇乜理，而原本已有一個單位嘅敏之話，仲想買多個單位投資。