英冠升班形勢明朗，次席嘅雷丁（紅衫）周二憑老將夏迪一箭定江山，1:0作客挫排第7嘅白禮頓。家英冠首、次名嘅修咸頓同雷丁已拋開第3位嘅韋斯咸6分，剩番4場聯賽，睇嚟兩軍直接升班機會好高。至於英甲爭升班亦鬥得激烈，錫菲聯周二以5:2大勝羅奇代爾，反壓錫周三上第2，除榜首查爾頓，剩返一個直接升班席位應屬「雙錫」之爭。