張堅庭噚日以大使身份去佐敦出席微笑企業頒獎典禮，佢話：「我幫好多企業做培訓計劃，可能係我拍喜劇多，將好多喜劇道理放咗入去。」張堅庭又講咗件唔開心嘅經歷，佢話：「我發誓以後唔再搭法國航空，因為上機前講明唔食早餐，但撞正一個似保母嘅空姐，佢夾硬校直張椅，係都要你起身食早餐，仲話早餐唔可以唔食，真係火都嚟。」