今年的寫真戰有不少新血加入，陳靜（DaDa）師妹郭穎兒（CeliaK.）將赴泰國布吉取景拍寫真，雖然未知尺度有幾大膽，但原來Celia入行初期已好豪放，曾自拍背部半裸照放上facebook。而Celia早前在一個化妝派對又穿校服與多位男士親密合照，認真受歡迎。
模郭穎兒早前離開Jamcast，轉投施念慈旗下成為陳靜師妹，今年打算與另一新人曾善美（MeiMei）加入寫真戰團，由於去年的巨胸族DaDa及趙碩之等引退，連曾揚言三點盡露的Mika亦因唔聽話被公司雪藏，令擁有33C、24、34三圍的Celia有機突圍而出。
愛夜蒲開派對
Celia將到泰國布吉拍寫真，日前她透露今次會有大膽嘗試。近日記者發現Celia的facebook內有大量性感照，其中一張是她雙手掩胸，僅穿上內褲的背部半裸照，據悉是她初入行時找專業攝影師拍下留念。
另外，Celia亦是喜愛夜蒲的辣妹，去年底她與DaDa和MeiMei齊參加校服派對，眾女穿紅黑超短格仔裙大騷長腿。在另一化妝派對，戴上粉紅色假髮、穿校服的Celia滿場飛，跟穿醫生袍的四眼男各自咬唇合照，之後又被另一戴了假鬚的男士拉着領帶合照。
拍寫真玩大膽
Celia在電話中直認曾影背部半裸相，她說：「幾年前見個牛仔褲廣告模特兒都係咁影，所以咪搵人幫我影一輯囉，拍寫真時可能再大膽啲。」問Celia跟眾多男仔合照，怕不怕嚇走宅男粉絲，她冇有怕說：「個派對係我生日時開嘅，好多都係中學同學或者朋友，如果一啲異性緣都冇咪仲驚。我家都好恨拍拖㗎，希望快啲有人追。」
採訪：葉雪
