馬賽年前與吳卓羲合作而傳出緋聞後，日前再次因與「巨聲幫」的大孖周志文合演情侶而被傳介入男方與模女友CoCo（袁聖殷）的戀情，馬賽昨日斷然否認做小三，並揚言已有傳緋聞的經驗，不再為傳聞而激動，不過被問到與周志文拖手一事時竟說：「拖手都係玩吓啫。」又不排除與周志文發展機會，似乎為自己留條後路。
馬賽、吳卓羲、楊怡、周志文、劉松仁、朱晨麗及陳玉蓮等《名媛望族》演員正在上海拍攝外景，預計24日便完工返港，不過拍攝不到一星期，馬賽即被指與劇中的情侶周志文撻着，還被發現拖手，因此激到周志文的模女友CoCo專程趕到上海探班監場，三人更試過狹路相逢。
稱發展隨緣
馬賽昨日接受商台訪問時，她否認做小三：「我都冇見過周志文女友CoCo，我亦從來冇問過佢個人嘅嘢。」至於被拍得與周志文拖手，馬賽說：「係幫套劇宣傳，戲中我哋係一家人，拖手都係玩吓啫。」問到可有發展機會？馬賽沒有排除可能性：「冇諗呀，總之隨緣啦。」
年前馬賽與吳卓羲合作《女王辦公室》而傳緋聞，但遭吳卓羲斷然否認，並強調與馬賽只是同事，甚至不是朋友，馬賽昨表示經過上次經驗，已懂得處理：「上次係第一次遇到呢啲事，有啲激動，今次冇感覺啦。
此外，馬賽和楊怡等在微博上載不少拍攝時的花絮照片，其中楊怡嘟起嘴扮吸大雪茄，原來她從未有吸過雪茄，今次純粹拿劇中老公劉松仁的道具雪茄來自娛一番。
正印斬情絲
另一邊廂CoCo則在微博發晦氣寫道：「我向各媒體聲明：我CoCo袁聖殷從來都唔識一個叫周志文嘅人，更加無同佢拍拖亦都唔識一個叫馬賽嘅女仔，睇電視都唔識分清邊個係佢地兩個，我是唯一講大話的那個人，祝兩位拍劇順利，星運亨通，各位傳媒哥哥姐姐，唔好再問我呢個人嘅問題，辛苦各位！」決絕斬斷三角關係。
採訪：馬建華