日前返咗香港同老竇成龍慶祝生日嘅房祖名，噚日接受商台嘅電話訪問，佢承認有邀請過緋聞女友薛凱琪去老竇嘅生日派對，但薛凱琪因為要錄歌所以唔得閒去。問係咪幫蕭亞軒照顧佢嘅緋聞男友柯震東，祖名話：「唔知佢哋係乜嘢關係，但佢喺香港只得我一個朋友，我就盡地主之誼照顧吓佢，同帶佢去見陳奕迅、吳彥祖，順便去蘭桂坊見識吓。」祖名話佢自己大過柯震東差唔多10歲，柯震東仲叫佢名哥。