曾揚言梁振英做特首會「第一個放棄香港」的賭王何鴻燊，事後由四太梁安琪出手補鑊，先被周刊撞破跟梁振英太太唐青儀在中環四季酒店咖啡室密會，其後又被揭接待唐青儀等到澳門觀音堂借庫。現在梁振英已成候任特首，梁安琪昨被問到賭王是否擔心時揚言：「何生叱咤風雲咁多年，有乜未見過呀？」叫記者「擔心自己份工好過啦。」
賭王曾說梁做特首就離港
何鴻燊04年時曾被問到對梁振英做特首的看法，當時他說「如果佢（梁振英）有機會做特首，我第一個放棄香港，但我相信未必輪到佢，佢做特首，我喺香港做乜？佢最憎有錢人，到時我就返澳門」。
轉眼八年，四太昨出席保良局活動，被問到賭王是否擔心梁振英做特首時，卻說：「你擔心咋嘛，何生一路都冇（擔心），點會擔心？何生叱咤風雲咁多年，有乜未見過呀？」又顯得不耐煩，指記者在保良局活動問這些是「九唔搭八」。但當她被娛樂版記者問到對子女拍拖的看法時，卻答得樂在其中。
四太其後再被追問曾出席唐英年造勢大會，會否擔心梁振英上任後會秋後算賬，四太說：「唔係，個個我都去。家今日保良局，唔通我唔可以去東華咩？我哋做人係和諧社會嘛。」
反忠告記者擔心自己份工
對於賭王曾揚言梁振英做特首會放棄香港返澳門，四太就說：「你就離開香港！我哋何氏家族係香港人，我哋唔會離開香港嘅！」更「忠告」記者：「你擔心自己份工好過啦，好唔好？」可謂明白傳媒對梁上台將大幅收窄新聞自由的憂慮。至於賭王二房長女何超瓊，昨對賭王對梁振英看法「封口」，叫記者問賭王。