張惠妹日前接受無綫娛樂新聞台嘅李天縱同翁佳妮訪問，嚟緊阿妹會喺香港紅館開騷，門票已賣晒，阿妹話今次演唱會要挑戰四面台同連唱近40分鐘嘅環節，唱功到家嘅阿妹話起初有啲驚，好易喊嘅佢亦話要控制情緒。有傳阿妹同酒保男友Sam打得火熱，佢話唔接受遙距戀情，但唔抗拒姊弟戀，似暗示同細佢七歲嘅男友好夾。