25歲的鄭欣宜於上周二，被本報獨家撞破與高大型男韓模Jin甜蜜撐枱腳，昨日欣宜突然致電電台冷靜宣佈，與就快30歲的長跑好手外籍男友MarkRyan正式分手，並透露兩人已分手兩個幾月，原本有意三十而立的Mark，與欣宜忍痛結束五年愛情長跑。
向來感情專一的鄭欣宜，與加拿大籍英語教師、曾在渣打馬拉松十公里賽事奪冠的長跑好手MarkRyan拍拖五年，兩人感情相當穩定，早已共賦同居，今年7月22日是Mark的30歲生日，早前他曾向朋友透露30歲踏入人生新階段，很想有新開始，打算今年內向女友欣宜求婚。
再見是朋友
欣宜與Mark像是打風打唔甩，上周二傍晚時份，本報卻在中環發現緋聞絕緣體欣宜，偕型男撐枱腳嘆下午茶，被撞破好事後，欣宜一臉尷尬，但仍大方向記者打招呼，隨後兩人火速離開。事後欣宜的型男新歡再被大起底，發現他正是來自韓國，擁40吋胸肌、6呎高的有型泡菜男模崔豪晉（Jin），曾拍過不少激凸露毛內褲照。
正當大家懷疑欣宜是否暗結新歡之際，昨日欣宜突然致電商台節目宣佈：「我同Mark分咗手！」她說：「喺兩個幾月前已經同男友分手，我哋係喺和平情況下分手。」她強調絕對沒有第三者，並解釋：「大家想重視番自己事業，Mark教曉我無論任何關係，朋友、同事或情侶都好，都要互相支持，將來我哋兩個會繼續互相支持，如果將來我開演唱會，佢都會嚟捧場支持我，Mark嘅事業我都會支持佢。」
分手似做戲
至於誰提出分手，欣宜冷靜地表示：「兩個都覺得係時候，冇話邊個提出，好似做戲咁，大家都處理得好成熟。」可有通知爸爸鄭少秋？她說：「講咗，爹哋話：『哦，兩個人都拍拖咗五年幾，好可惜。』」與Mark分手後，欣宜表示多了時間陪伴爸爸。
分手是否因韓籍模特兒Jin介入？欣宜斷然否認：「絕對唔係，對方嚟香港發展，只係朋友食飯。」她強調與Mark分手後，現時專注工作：「將來會唔會同其他人拍拖，呢一刻未諗到。」至於經理人陳淑芬可知道分手？她表示：「陳太同張學友去咗巡迴演唱，仲未同陳太講。」欣宜未受分手影響心情，繼續寫微博，貼上與女友人以一大碟美食紓緩心情外，昨午五時許，再在她的微博寫道：「I'mokay！要發生的總要發生。那不如笑着去面對？希望大家都『不流淚』。」
採訪：馬建華