龍年特別旺生仔，龍BB一個接一個。周啟邦兒子周國豐，前日榮升第二任爸爸，太太早產半個月開刀誕下8磅12安士的巨B。周國豐昨日指剪髮中途太太突然作動，現時解決了龍BB爭床位，未來仍要為爭入幼稚園擔心。
已故名人周啟邦兒子周國豐，跟太太黃泳霖育有大仔周禮淳（Winston），昨日周國豐在facebook開心宣佈二仔提早加入自己的家庭，表示太太前日傍晚於養和醫院剖腹誕下新生命，重達8磅12安士的二仔，已取名AlastairIain，母子平安。
為細仔搞百日宴
周國豐昨日透露重磅BB比預期早了近半個月出世：「比預產期早咗兩個星期，我哋都預早咗，book早咗一個星期，因為太太諗住自然生，但到兩個星期前，BB都未轉頭仔。噚日飲完茶、揼完骨，我帶個仔剪剪吓頭髮，太太突然話開始痛、要生，今年已經難book床位，都好擔心去到醫院冇位，好彩都有。一去到，半小時內就開刀生咗。」
對於BB提早出世，周國豐指全家人都很開心，他謂BB未改中文名，英文名則用了兩個蘇格蘭名字：「Alastair喺英國同蘇格蘭屬幾傳統嘅名，係Alexander嘅意思，兩個名都好聽，兩個名都鍾意，一齊又順口，所以就改咗呢個名。」
自言不會對兒子有太大期望或要求的周國豐又說：「只希望佢哋乖乖哋、開心，可以孝順就最好，佢嘅路自己揀，我會發掘佢哋嘅興趣同專長。」周國豐指大仔出世時，剛巧周啟邦過世，所以沒擺滿月，今次會擺百日宴慶祝。
哥哥見弟感好奇
昨日周國豐更帶了大仔去醫院探望弟弟，他指大仔好奇但沒呷醋，至於龍年出生BB，面對爭床位、爭學位等問題，周國豐也謂會擔心：「因為大仔都未搵到學校，希望佢讀寶珊，將來細佬可以一齊讀，兩兄弟一齊長大，但家學位都好緊，好多學校就算有兄弟姐妹都未必入得到，見步行步啦。」
採訪：林妙萍