經常喺財經節目評股講市嘅英業環球資產管理董事總經理Thomas陳炳強，噚日俾證監會吊銷牌照半年，皆因佢冇準時向證監呈交英業環球2007/08及2008/09年度嘅財務報表，而且喺申請延遲呈交文件時向證監作出虛假誤導性陳述，前年11月已經俾東區裁判法院裁定呢兩項罪名成立，罰款4萬蚊。今次吊銷佢牌照，係證監嘅跟進紀律行動。
罰咗4萬 上訴失敗
其實，Thomas舊年曾經向高院提出上訴，但被駁回。佢當時解釋話，由於英業嘅核數師工作繁忙，所以要更多時間先可以提交公司財務報告，但法庭就唔buy佢嘅講法。點都好，Thomas呢排會靜番吓，可能要喺電視機前消失一段時間囉。