經常返內地出席品牌活動嘅劉嘉玲，日前以一身白色打扮喺上海某商場嘅地下停車場出現。當時嘉玲喺助手同保鑣陪同下，準備上車離開，佢步出升降機時，即被在場等候嘅粉絲截停要求合影，難得嘉玲好有耐性咁同幾位粉絲輪住玩自拍，態度親切，嘉玲滿足咗一眾粉絲嘅要求之後，跟住就上車離開，咁難得可以同嘉玲合照留念嘅粉絲，梗係開心啦。