港股埋單插水236點，但噚日推介嘅新秀麗（1910）認真唔失禮，喺建議買入嘅水平開出，之後就拾級而上，即日已經到咗短期目標16.30元，一成升幅就咁到手。收市後傳來批股消息，有貨嘅戰友可先設止賺位繼續持有，中線破頂目標不變。
餐飲股係今年嘅亮點，大家樂（341）、大快活（052）同稻香（573）明顯跑贏大市。大快活現價市盈率13倍，比起大家樂同稻香折讓及44%及20%，值博率最高。截至去年9月底止，大快活中期賺5.8億銀，按年減少18%，喺最低工資同原材料漲價嘅情況下，都叫做有交代；中期息派22仙，年度化息率3.5厘，但集團末期息一向比中期息多；財務狀況亦健康，扣除債務後，手頭淨現金2.3億銀。睇前景，家茶餐廳食飯越來越貴，相反連鎖快餐店有規模效益，競爭力看高一線。大快活噚日收報12.62元，升0.5%，戰友可候12元樓下分段吸納，博有一至兩成升幅。
唐牛