蘋機會：相機孭出四色Style　索．帶

當你走一轉旺角信和，會驚訝除相機套外，相機帶原來係另一大熱產物。攝影師兼設計師Quist，愛攝影愛到要創立品牌設計相機帶，由花紋到質感都比原廠貨更具Style，90cm長度更係神來之筆，方便斜孭相機外，最重要索爆花紋可更肆意展露人前，搶盡大家目光。

記者：許福合
攝影：伍慶泉、譚盈傑
Model：Mandy@Sign
查詢：HiddenCulture（23422340）

斜孭變產品特色

Quist對攝影情有獨鍾，不過一開始並非想當攝影師，「還記得12歲時曾想做模特兒，但總是覺得影得不夠靚，於是就自己鑽研攝影技巧、拍攝角度，之後更以攝影做職業。」攝影題材主要以人像或Fashion為主，酷愛玩「E冲C」（底片冲曬技巧之一）、濾鏡及雙重曝光效果，經常機不離身到處拍攝，而Quist自己設計的UtopianBloom相機帶系列，最大特色係長達90cm，比一般60cm相機帶，足足長一半！原來Quist平常喜歡斜孭相機，不似傳統相機帶般必需「掛頸」，方便攜帶之餘，見到有趣情境可輕易舉機拍攝，讓斜孭與即興Snap完美共存，呢個喜好亦成為Quist產品嘅獨特標致性。

■PentaxK-r是Quist愛機，把相機帶設計得夠長，方便隨時舉機拍攝。

失望

自戀

貪心

香艷

真皮加刺繡貴氣十足

Quist由設計、製作樣辦全部一腳踢，曾為找到達到心目中理想效果的工廠而吃盡苦頭，幸好最後成品令她相當滿意。暫時推出市面的UtopianBloom系列，會有四種顏色，分別以香艷、貪心、失望及自戀等個性命名，齋聽個名已好有Stlye。售價偏高，主因係機帶用上真皮製作，加上有如刺繡的金色花紋，觸摸時特別具質感，整體相當貴氣。兩側相機扣以螺絲扣固定及可調校長度，比傳統的更穩妥。除了相機帶設計具特色，連包裝上亦加入唔少心思，內裏包含一本精美相簿，讓用家放上心愛攝影作品，當作禮物相贈畀朋友，絕對係一份別出心裁嘅好禮物。