有「社福界教父」之稱嘅香港大學社工及社會行政學系講座教授周永新（圖），今年7月會結束30多年嘅教學同公務生涯，退休嘆世界。
「教父」鞭策政府嘅力度，有時仲猛過班後生仔。早前佢質問狼振英做咗行會咁多年，對扶貧有乜貢獻？舊年亦炮轟超廢財政預算案，公開叫曾俊華下台。「教父」退下火線，社福界或者會少咗團火，好彩佢同八方講明，若然係非政府組織嘅顧問工作，或者考慮出山，換言之後輩仲有機會喺「教父」身上學到嘢。
周永新家仲係關愛基金福利小組委員會主席㖭，政府換屆後有冇份留任？教父並唔着緊，佢強調「我又唔係想出嚟撈油水嘅人」。