李泳豪昨日在鑽石山出席onlinegame活動時，慘被司儀及謝芷蕙（Cammi）等四位模抽水，拿其舊愛楊思琦一腳踏兩船來做話題，豪仔全程表現無奈又尷尬，但「受人錢財替人消災」，豪仔事後死撐司儀要搞氣氛沒所謂。
李泳豪昨日與父親李家鼎以戰士Cosplay造型到鑽石山出席「三國戰記Online活動」，大會安排謝芷蕙、Rainbow、Alina及Elise四位模以女勇者Cosplay造型出場，輪流向豪仔、鼎爺數出自己的優點，選出一位真正的女勇者。
一臉無奈
席間四女影射豪仔錯愛楊思琦，狂sell她們優點是不會一腳踏兩船、不拜金、不講大話和夠專一，司儀又加把口問四女「遇到唔湯唔帥嘅超級衰人會點？」不停向豪仔的傷口灑鹽，令他表現無奈又尷尬，最後豪仔揀了自稱夠專一的Cammi為女勇者。
事後問豪仔可介意被抽水？他死撐說︰「事前都知會講，冇所謂，搞氣氛都OK。」談到思琦日前產後谷奶復出，豪仔只說︰「我冇睇佢新聞。」
提到思琦當日表示拍劇不介意和他合作，豪仔淡然說︰「同事都冇乜所謂，但我相信監製都唔會。一齊做商場騷，夾硬當gimmick（噱頭）我就唔想。」再問到思琦是否不打算領回以前拍拖時養的幾隻狗？豪仔說︰「我之前都講過，唔再回應，件事告一段落。嚟緊月底我會搞賽車活動，呢排都要忙籌備，忙啲都好。」
介意被玩
此外，Cammi表示收到稿望到對白已覺不妥，所以曾自行略為修改︰「已經改咗啲冇咁盡㗎喇，但我真係專一嘅。」提到司儀有拿「愛迪神」（Edison陳冠希）來開她玩笑，她就坦言感到介意。
採訪︰吳愛
攝影︰仇志德