上場中超廣州恒大對貴州人和嘅比賽，恒大中堅保隆（小圖）上半場犯錯，導致球隊首先落後，教練李章洙唔知係想加強攻力，定想懲罰保隆，25分鐘就換走佢，換入阿根廷中場干卡。保隆好嬲自己踢得唔好，一怒之下打爆咗休息室道門塊玻璃！據報，保隆已經同球會道歉，而李章洙都理解成件事，應該唔會罰佢。最終呢場比賽恒大同人和踢成1:1。