洪卓立前晚在九展舉行「NewayMusicLiveX洪卓立」音樂會，洪卓立的母親亦有捧場，羅力威和雷有暉擔任表演嘉賓。洪卓立在台上憶起離世的婆婆，一度感觸落淚，他說：「婆婆在世時話好想睇我嘅音樂會，但最終佢離開咗。」之後洪卓立唱出自己創作的《某天再會》送給在天國的婆婆聽，他說：「媽咪都未聽過呢首歌，怕佢聽到會喊，所以家先唱呢首歌。」之後洪卓立再自彈自唱，可惜彈結他功力未夠，間中走音。
音樂會後，洪卓立坦言演出未達最佳狀態，他說：「最近連續綵排幾個演唱會，把聲好沙，好彩媽咪嚟支持先定啲。」他直言希望將來有機會在紅館開騷，但不想似蔡楓華一樣等足31年。
採訪﹕張俊銘
攝影﹕黃偉雄