美聯集團（1200）早排爆發「兵變」事件，幾百名員工湧到公司中環總部，有指係為咗爭取佣金福利，亦有指導火線係當時嘅九龍區董事何銘培（Andy）被逼走，原來佢會過檔敵對陣營。
港島起家 再戰半山
兵變事件令美聯高層近月風雲變色，何銘培被離職之後，早排趁美聯公佈業績前夕，高調向傳媒大控訴，喺集團總部外炮轟美聯，話美聯無理解僱佢。
事件發生三個幾禮拜，華華收到最新消息，呢位惹火高層今日會加盟另一代理行利嘉閣地產做董事，統領中、西半山兩個山頭。聽聞，因為何董嘅加盟，搞到利記都要大執位，其中之一就係利記營業董事黎偉強，就由港島過海去九龍負責睇奧運站，聽講何董當年都係做港島住宅起家，今次過檔，唔知會擦出乜嘢新火花呢？