唔經唔覺，前自由黨員、現經濟動力成員梁劉柔芬（Sophie）由97回歸開始，經已連任咗四屆紡織及製衣界功能組別議員，現年66歲嘅佢有意今年底告退。
向來要求極高嘅Sophie，點會隨便將呢個位拱手相讓？八方聽聞佢已經有心水接班人選──喺政界唔算好出名但喺紡織界係大亨、連個名都有個「亨」字嘅聯泰控股有限公司行政總裁陳亨利（圖）。
Sophie部署亨利接班，唔係得個講字；今年2月，陳亨利忽然獲邀為紡織製衣諮詢中心嘅義務董事；呢個中心，正正由Sophie出品。Sophie仲向成員發信，大讚亨利喺業界貢獻良多，hardsell佢嘅愛將。