薄熙來喺重慶唱紅打黑博翻身，到頭來都係俾阿爺踢咗出局。兩會過後，「唱紅打黑」呢四個字已經out咗，但係由一班後生專業人士組成嘅「三十會」，喺今個清明、復活公眾假期就組團北上重慶考察佢哋嘅唱紅打黑，探討吓「重慶模式」可否係全國推廣（吓！乜唔係經已有咗答案咩？）
佢哋都好認真吓㗎，出發前請「夫子」劉銳紹講咗一課，呢幾日又去咗參觀三峽大壩、重慶公租房、長安汽車廠等地方，雖然個團嘅主題過咗氣，但三十會嘅政治取向一啲都唔out，佢哋早前做咗個民調，結論係較多年青專業人士支持狼振英做特首，相比另一個青年智庫roundtable暗撐曾鈺成，三十會係咪識時務得多呢。