洪金寶名下的新馬崇山寶昨日初次上陣，他帶同好友曾志偉、余少寶及親友到場打氣，新婚兒子洪天明及新抱周家蔚雖然未有現身，但該馬仍然不負眾望，以3.3倍次熱門勝出，淨袋約30萬獎金。
「估唔到贏得咁容易」
洪金寶先娶新抱再拉頭馬，可謂雙喜臨門，全程以四萬笑容示人。
洪金寶贏馬後接受訪問說：「崇山寶今日喺香港初出，賽前我都有啲擔心，因為呢隻馬試閘經常有頭冇尾，以為純粹有前速，信心唔係太大，估唔到佢可以贏得咁容易，練馬師姚本輝居功至偉。呢隻馬嘅中文名同英文名AmberSky都係太太改嘅，我希望佢可以扶搖直上，繼續為家人帶嚟勝利嘅喜悅。」
採訪：陳嘉甜
攝影：譚日華