陳美詩昨日現身西寶城復活節活動，即席弄馬賽克風格的復活蛋，她自言愛整手工藝：「自己藝術方面都有天份，都會整啲小物件送畀朋友，有時收到粉絲送嘅自製勞作會開心過收禮物。」問到男友孫耀威會否花心思自製心儀禮品，她說：「佢冇乜時間整，不過有一年情人節試過整咗張卡畀我，好sweet同浪漫，開心過收花，我都試過整啲聖誕吊飾畀佢，佢掛住兩年都冇換。」
書展出散文
陳美詩還透露身邊朋友多親子活動：「會有啲復活節尋蛋活動，契仔又送曲奇畀我，自己都幻想有小朋友。」記者問她是否有計劃生B，她笑說：「冇，係自己幻想吓。」她又透露有書商邀請出書，她說：「家構思緊係散文，小說加插畫，計劃書展出。」
採訪、攝影：盧妹